karaalee 8 Liqaa keessaa bahuuf. Liqaa baay’een sirra jiraachuun rakkina maallaqaa fiduu dandaha. Kaffaltii liqaa sirra eeggamu kaffaluuf gaafa rakkatte dhiphina samuu sitti ol kaasuu dandaha, immoo qabxiin liqii kee akka rakkatu/ gad bu’u godhuu dandaha, kana jechuun liqii manaa ykn liqii konkolaataa argachuuf ulaagaa guutuuf caalaatti rakkisaa taha.
Yoo liqaa guddaa baattee jirta tahe, tooftaa liqaa kee hubachuu irraa eegalee liqeessitoota waliin mari’achuudhaan haala itti xumuramu mijeessuun barbaachisaadha.
Tooftaalee itti rakkoo/hudhaa Liqaa Irra Aanuuf gargaaran.
Liqiin liqii manaa, liqii barattootaa, kaardii liqii fi gosoota liqaa dhuunfaa biroo of keessatti qabachuu dandaha. Liqii baay’ee ba’achuun dhiphina namatti fiduu dandaha. Liqii keessaa bahuun fayyummaa maallaqaa fooyya’aa keessa si galchuu fi carraa dabalataa si banuu dandaha.
1. Haala Liqii Keessani Irratti hubannoo Ifa Argachuu
karaalee 8 Liqaa keessaa bahuuf. Liqaa ji’aa fi dhala tokkoo tokkoo liqaa irratti kafalaa jirtu guutummaatti hubachuuf ibsa liqii fi herrega kee hunda laali. Dirqamni kafaltii liqaa ji’aatii fi baasii barbaachisaa tehee galii kee gad tahuu isaa mirkaneefachuu.
Yoo kafaltii barbaachisaa tehe kafaluuf humna hin qabne tehe, tarkaanfiiwwan akka liqeessitoota waliin mari’achuu ykn galii dabalataa mirkaneessuu fudhachuu qabda.
2. Karoora sirrii kan liqaa sirra jiru itti deebiftu bocachuu.
Liqaa irratti maallaqa dabalataa dabaluu mannaa, liqaa kam dursitee kafaluu akka qabdu laali. Dursa liqaa dhala guddaa irratti xiyyeeffachuun, mala avalanche fayyadamuun yeroo dheeraa keessatti maallaqa guddaa siif qusata.
Haa tahuu malee, namoonni tokko tokko jalqaba liqaa xiqqaa tahe furuutu caalatti hojjata jedhu sababni isaas kaka’umsa akka qabaatan waan godhuuf.
3. Seenaa Liqii Keessanii Bulchiinsa Liqaatiif Fayyadamaa.
Sadarkaa liqii kee laaluu dabalataan gabaasni liqii keetii sirrii tahuu dhabuu isaa laali. Gabaasni liqii keetii liqiin kee qabxii liqii kee irratti dhiibbaa akkamii akka geessisu hubachuuf si gargaaruu dandaha. Kafaltii yeroon booda kafalamu baay’ee yoo qabaatte ykn reeshiyoo itti fayyadama liqii olaanaa yoo qabaatte jechuun liqaa siif jiru keessaa hamma guddaa akka fayyadamtu ilaaluu dandeessa.
4. Fayyummaa Faayinaansii Fooyyessuuf Liqaa Keessan Sirreessuu. karaalee 8 Liqaa keessaa bahuuf.
Yoo sadarkaan liqii kee hayyame, liqii guddaa fi dhala xiqqaa qabu argachuuf yaali, liqaa kee liqii kana keessatti walitti qabi. Kunis dhala xiqqeessuudhaan adeemsa liqaa kee kafaluu saffisiisuu dandaha. Dhiyeessii jijjiirraa hafnaan kaardii liqii keessan tokko irraa dhala %0 ilaaluu dandeessu.
Haala kanaan, yeroo ayyaanaa kan ji’a jahaa hanga 18tti turuu danda’u argachuu dandeessa, akkaataa dhiyeessii irratti hundaa’uun. Yeroon dhiyeessii osoo hin xumuramin dura hafnaan guutummaatti yoo hin kaffalle, dhala kaardii liqii hafnaan irratti akka kaffaltu beekaa.
5. Karoora Kaffaltii Liqaa Saffisiisuu qabaachuu.
Yeroo dandaʼametti, keessumaa liqaa dhala guddaa qabuuf, kaffaltii liqaa kee irratti kaffaltu dachaa lama guddisi. Xiqqaa caalaa kaffaluun yeroo liqaa keessaa ba’uuf fudhatu saffisiisuu danda’a. Hanga kaffaltii kee dabaluudhaan, saffisa waliigalaa liqiin kee itti irratu ni dabalta, dhala waliigalaa kaffaltu ni irrista.
6. Baasii Hin Barbaachifne Irrisuu:
Baasii hin barbaachifne irrisuun liqaa keessaa bahuuf kutaa ijoodha baasii idilee kee irra deebitee laaluun isa barbaachisaa tahe kan akka mana jireenyaa, nyaataa fi wantoota jiraachuuf si barbaachisanii fi wantoota ati barbaaddu kan akka bashannanaa fi meeshaalee qananii adda baafadhu baasii hin barbaachifne irrisuun maallaqa dabalataa akka liqaa keessaa batuuf baastu akka argattu si godha.
7. Qajeelfama Ogeessaa faaynaasii Barbaaduu.
Gorsaa waayee liqii ykn gorsaa faayinaansii wajjin wal arguun filannoowwan liqaa keessaa itti bahuuf qabdu hunda hubachuuf si gargaaruu dandaha. Gorsitoonni ogeeyyiin karaalee fi tooftaalee addaa hundarra gaarii tahan kan haala keessa jirtu keesaaa ittiin baatu si qajeelchuu dandahu.
Gorsaan waayee dhimma liqii yeroo warra liqii siif kennan waliin wal argitanis deeggarsa sii kennuu dandaha. Haa tahuu malee, ogeeyyii tajaajila gorsaa siif kennaniif kaffaltii guddaa si gaafatan irraa of eeggannoo godhaa.
8. Liqeessitoota Waliin Tooftaalee Marii Bu’a qabeessa Godhuu.
Ammas galii keetiin liqaa kee kafaluuf rakkachaa jirta taanaan tarkaanfiiwwan biroo fudhachuu dandeessa. Yoo kafaltii irratti duubatti haftee jirta tehe, gargaarsa dhaabbata liqii irrisuu beekamoo taheen liqaa kee qulqulleessuuf yaaluun ni dandahama.
Tooftaa kanaan, liqeessitoota waliin marihattee hafnaan kee keessaa haga tokko kaffaluuf walii galuu dandeessa. Haa tahuu malee hanqinni gara liqaa qulqulleessuu deemuu tokko qabxii liqii keetii irratti waggoota hedduudhaaf dhiibbaa hamaa geessisuu dandaha.